بحبك يا مصر بحبك رغم إنك!!

بحبك يا مصر..بحبك رغم انك!!

مصر؟! مصر دى عشقى الأول والأخير

مصر دى جنه..وناس مليانه خير

مصر البهيـــه..مصر الأبيــــه

هى اللى عانت وقاست كتـــير

تعيش جوه قلبى هى الأميــرة

ولكن للأســف..خانها الأميــر

بحبك يا بلدى

بحب ابتسامتك

بحب هواكى وضلك وقمرك

ولو قالوا عنك انك غريبه..هقوللك بحبك

بحبك تنادى باسمى عليا

وتشاورى ليا

وتقولى انى ابنك

واجرى عليكى..اضمك بشوقى

وشوقك ياخدنى..يطبطب عليا..

واقوللك بحبك ...

بحبك يا بلدى... بحبك رغم انك...!!

بحبك نسمة ساعة العصارى

وبسمه رقيقه من وش جارى

وقعدة صحاب..ولمة جيران

وصوت ضحكه صافيه تدفى المكان

واحبك حبيبه تنادى لحبيبها

تضميه ف حضنك..

يقوللك بحبك..

عيونك تجاوب..

وصوتك يا غالية

ليه عنه غايب

وبرجع واقوللك ..هيفضل يحبك

واحبك يا بلدى..احبك رغم انك..!!

ليه يا دنيا

ليه يا دنيا بقيتى كده؟!
قاسية علينا بالشكل ده!
و ف حبنا ليه متردده!

تبيعينا ليه ف نص الطريق
وتفرقينا...تتوهينا
وتبعدينا عن شئ برئ
عن شئ جميل بالنسبه لينا..قشة غريق

ف عز الفرحة..بتكسرينا
بتحبطينا....تعاندى فينا
يمكن بنضحك..جايز بنعشق..
بس قلوبنا عارفه انك لسه شايله الدمعه لينا

بيقولوا طول عمرك كده..
وانتى قاسية وظالمة كده
بتجرحى..ولا بتداويش
بتدبحى..ولا تندميش
وتشيلى فينا..تحطى بينا..ماتتعبيش

وبرغم كل القسوة دى..
بنقول رضينا..
وبرغم كل الظلم ده..
بشوف ف قلبك ذرة حب لسه لينا..مش علينا..
بس انتى لسه متردده

ليــــــــــه يا دنيا بقيتى كده؟!
قاسيه علينا بالشكل ده!!
و ف حبنا ليه متردده...

**دمعـــة تبكى**

دمعة تبكى...



فى لحظات الشوق والحنيـن...

فى لحظات الحزن ..والأنيــــــن

حين يهز وجدانى نسيم الفجر العليل..

حين تلتقى عيناى بغروب شمس الأصيل..

حينها.....

تتراءى لى عيناك الدافئتان

تجذبنى...تضمنى اليها برقه..

لأرسو بين شطيها..وأشعر بالأمــان

ولكن،،،،

قد يكون بحر عينيك عاصفا..تتلاطمنى أمواجه..

لأظل دمعة تبكى...

لا أدرى.....

بتسألونى مين أنا

بيسالونى مين انا؟؟
سؤال بسيط..
حسيته صعب عليا أنا
معقول أنا..معرفش لسه مين أنا..!!


يمكن أنا أكون انسان
تايه ومش لاقى المكان
ساكن فى غربته من زمان
خايف يعيش
بيدور ع البراءه....مفيش
مش شايف غير كدبه كبيره وطيش
يرجع يقول..
يا رب الكون...غيرك مليش

يمكن اكون
قلب غير كل القلوب
محتاج يتوب..
يهرب بحبه من الذنوب
يحلم يكون
فراشه طايره بين الزهور
وكلمه حلوه توصلك...بين السطور



يمكن اكون
قطرة ندى..
تحلم تكون..
وسط السكون...بحر وجنون
ولا يوم تعيش لحظة هدا
وتكون لصوت حبك صدى..

بتسألونى مين انا
هقوللكم انى انا..
لحن الحياة..
فرحة..واه
دمعه حزينه ..بتبتسم فوق الشفاه